Reflexionando un pouco sobre o 8 de marzo
Bos días a todos e todas! Hoxe, despois de moito tempo sen vos subir algunha entrada, creo que esta é a que ten que ser! Onte estivemos celebrando no cole o Día Internacional da Muller, falando primeiramente da historia deste día, continuando coas mulleres relevantes na Historia, e finalizando coa creación duns carteis para expoñer. Deste xeito, temos que remontarnos a 1857 para poder comprender este feito. En plena Revolución Industrial, en New York un 8 de marzo desde ano moitas mulleres do sector textil organizaron a primeira gran manifestación para protestar polas nefastas condicións laborais que estaban a sufrir: xornada longuísimas en comparación coas dos homes, traballo infantil, postos de traballos precarios, explotación... Aquí comezaría o cambio. Anos máis tarde, en 1911 , preto de 130 traballadoras da fábrica Triangle Shirt de New York organizaron unha folga para reivindicar unha mellora nos postos de traballo: mesma xornada laboral que os homes (red...